خاطرتي..عالخفيف
🌺🌺🌺🌺🌺

انْ جدّ الجدّ..وزاد العند
وشفتْ الصدّ…. بوِدادك
بحط السدّ…بدرب الودّ
وببلش عِدّ.. .بعدادك
حدّك حدّ…..حدودي تحد
انغام تودّي …بقرّادك (نسبة للقرادة)
حروفي تشد..سطوري تهد
عيوني ترد….بعبساتها

كيلي كيل… وهيلي هيل
بقهوة طيّ …وزواره
ويلك ويل …وليلك ليل
ونجمي سهيل بأنواره
ميلي ميل….وميلك ميل
بكل مفارق مشواره
انهد الحيل.. هدي و شيل
حملها تقيل ..بشداتها

سحرك ضاع…وسرك ذاع
بكل شراع…مرساته
قلبي احتار من الافكار
وبحري ثار …بموجاته
قربك قُربْ يغش القلب
وكذبك كذب …بوصفاته
ل برا تجود…وبلا حدود
ونبعك زود ..بمياتها

قلبك قلب …ل مابو حب
لانك شب…بيحلالك!!!!
ودّكْ كبّ ..تغبّو غبّ
لل هبّ ودبّ….واللي بالك
هون وهون…معبى الكون
جنون فنون… أخبارك
صفوف صفوف يجوك الوف
وعالمكشوف….حكاياتها..😊

❤❤❤❤❤❤