نجم الليل
؛ ؛؛؛؛؛؛؛؛؛؛؛؛
يا نجم الليل
مش مسموح لك تعشق النهار
مش مكتوب لك تسكن النهار
من بدايتك ومنحوته حكايتك
ف حشى تمثال الحيره والذهول
والجنون وعتمة المرار
ازاي تحلم تعشق وتسكن النهار
لا تشيب ياعكازي
لالا تشيب
واشرب معايا كاسي
العلقم الغريب
وموت مووت لما اموت
يمكن كأس السكوت
ارحم من دنيا المأسي
ياعكازي لا تشيب
هيه الخطاوي كدابه
ولا انا الكداب
اطبطب واداوي
قلوب نبضها من سراب
ايوه انا الكداب
اللي غاوي
أصدق الغروب
وهو لابس توب القمر
واقيد النار ف حروف المكتوب
لما ينكسر خاطر الشجر
لما يبكي الدار
ويشكي من غدر البشر
ايوه ياشمس ياسحاب يامطر
دق قلبي الساذج هو الكداب
أحساس عمري الصادق هوالكداب
انا وقلبي ف الزمن دا اغراب
اشرب واسقيني تاني
وزيد من حرماني ياعذاب
واشجي يا كروان المواويل
نجم الليل مخلوق للويل
مش للنهار مش للنهار
وموت لما اموت
ياعكازي لا تشيب
انحت يا فنان يامبدع
تمثال يكره ويحقد ويخدع
ملامحه نار قبل ماتقتل توجع
والروح والاحساس والنبض
للخالق الواحد ترجع
انحت تمثال القسوه وابدع
وقيد ف كل مشاعري النار
مش مسموح لك تعشق النهار
مش مكتوب لك تسكن النهار
يا نجم الليل انت مخلوق
للعتمه لقسوة الويل
وانا وقلبي ف الزمن دا اغراب
اشرب واسقيني تاني من العذاب
ومووت موت لما اموت
ياعكازي لالالا تشيب
على عبدالرحيم محمد