صحيفة نحو الشروق
بيقولو يا خال
عشق الصبايا رحايا
والعطر فيه
موال
وان طالت علينا اليالي
لندق الربابه
ونشكي ليه الحال
ليدق دقه
يا خال
برنة الخلاخال
ليرقص جمال
الفرس
ويحكي ليه الموال
اصل الجمال
بالحال
يرقص الصوان
وبعدهالك يا خال
ياما حكيتنا
بالموال
عن عشق
البهيه
وطلتها بالطرحه والجلابيه
وجيتك يا خال
اليوم
لحكيلك عن جمال الصبيه
هي البهيه
يا خال
من كتر
حسن الصبيه
يدقلها بالحروف موال
عشقت ليالي
الحسن
وعشقت طبع الحال
قولت كلام
الغزل
بالهمس في الموال
قالت عشقتك
يا حسن
والحسن فيك غالب
قولتلها من
حسن عينيك
والكحل بالرموش غالب
وعجبي
علي عيون
الصبيه
لو مالت
بالنن تتعاجب
وبعدهالك يا خال
جوه العيون
السود
موال
يرقصله مية خيال
وانا لحالي
يا خال
ادق الربابه
لجل العيون رحال
لسكن ديار
الصبيه
واتغني بالموال
عاشق جمال البهيه
وعطرها رحال
يسكن نسيم الهوا
ويشق بين الجبال
يوصل لدار
الحبايب
ليسلم الدقات
نغمه بعطر الصبيه
ونغمه تطمنه
علي الحال
مش قولتك يا خال
عشقت ليالي الحسن
وعشقت طبع الحال
حالي لحالها يا خال
ساكنه الوريد بالوتر
والنبض بالدقات
عشقت جمال النغم
وعشقت انا الدقات
قالت جمالك يا حسن
تدقله النغمات
قولت الصبيه بهيه
لدق بالخلخال
تنظر عيونها المرايا
تلقي الجمال بالحال
وبعدهالك يا خال
من كتر
نور البهيه
طلب القمر
ترحال
وطلب الحسن
يا خال
ما يفارق
جمال الحال
وعجبي
عليك يا خال
وحشني جمال الحال
بقلم الشاعر : حسن حلمى
المحرر الصحفي: أساهي فريد
