خريف العمر

أهي حياه ولازم تتعاش

رضينا بيها أو مرضناش

كاس وداير علي كل الناس

دوامه واخدانا ملهاش أساس

قلوبنا تعبانه والتوهه واخدانا

أحزنا كترانا وأفرحنا مابنلقهاش

أيام وبتعدي بتاخد ولا بتدي

إتسرق عمرنا وراح مننا  ببلاش

الحب بقي وهم في حياتنا

أحلام نحلمها ولسه محققنهاش

حياتنا  أمر من المر والسعاده

بنسمع عنها بس لسه معشنهاش

العمر بيجري بينا وأهو عدى

من بين إيدينا وضاعت معاه

أمانينا والحب مبتداش

نسينا روحنا في الزحمه

كبرنا واتغيرت ملامحنا

وبعد ما ضاع  العمر

افتكرنا نداوي جروحنا

بس ياخساره ..!!!

ملحقناش

حنان شوقي اللواء