………ارض السكات ……

اه ياقلبى
لسه فيك حبة براح
هربوا حتما م الجراح
لسه توته مفرعه
رغم اللى راح
لسه قلبى بنبضه عايش
فوق سلحليك بالسلاح
لسه روحى جوا منى
ماسكه فى احبال التمنى
لسه ضحكه فوق ملامحى
بيها لسه ياناس باغنى
لسه بكره جاى بيرسم
سكه لينا بابتسام
جاى يدفى القلب ويكتب
قصه تنفع الف عام
ليه يافجر الامنيات
خدتنا لارض السكات
من هزايم ولهزايم
لحنها زى النايات
واللى فاضل فينا جرحى
لسه بيعدوا اللى مات
اه ياقلبى
قوم وعافر فى الطريق
مهما يكون
دى الحياه اوقات كتير
عاوزه الجنون
بكره توصل للامانى
تحس طعم الانتصار
بكره رغم الجرح يطلع
بابتسامات النهار
بكره يعنى تحس انك
ااقوى من اى انكسار
وان قلبك لسه اخضر
رغم اوقات الحصار
فاوعى حلمك ينطفى
جواك ويصغر
مهما طال الانتظار
او تسيب روحك فى سجن
بمية جدار
لو صحيح هاتموت فواقف
زى مايموت الكبار …………..

اشرف الشناوى
شاعر عاميه
البرامون
المنصوره