بنسرق ضحكة للشاعر //علي دياب

بنسرق ضحكه مالايام
بنضحك بيها على روحنا
عشان ننسى مرار الحال
وننسى معاها فين روحنا
لا نسأل عدا عمر إذاى
ولا نحلم ببكره الجاى
يطيب جرح فى جروحنا
فينا اللى مكفينا بنرضى
.وهدوم بتدارينا
مابنشكيش من آه ولانحكى
ومات الفرح فينا
وعايشينها ومش عايشين
وتر حالنا تمللى حزين
حنى عودنا فى موعودنا
اللى بيه راضيين
بنشبه بعض فى الصوره
ملامح طبع كربونه
بنفس الهم والأحزان
فى نفس العيشه مطحونه
فى يوم يعدى وبظروفو
ويوم باصعب مافيه نشوفو
فى زمن يصعب عليه نرتاح
وشيبنا من اللى بنشوفو
بنرسم ضحكه فى وشوشنا
يشيلها الدمع ويحوشها
قلوب مللت ملاها الخوف
من الدنيا اللى بنعيشها
وبنحادى وبندادى
وبنتحايل على ظروفنا
بنسرق ضحكه مالايام
بنضحك بيها على روحنا

من ديوانى بالحلال

Related Posts

أنفاس النبوءة

سألتُكِ: أينَ تُخفينَ النبوءَةَ الـتيشقّتِ الحُبَّ في رأسي، وفي صدري؟قُلتِ: بلقيسُ ما زالتْ تُجَرّبنيولا تَخونُ قلبًا ما زالَ في السَّرِّما عندكِ هدهدٌ يروي الحكايةَ لي،لكنَّ ما في دمائكِ الآنَ من…

الكتابة مرآة الذاكرة الذاكرة والكتابة للكاتبة ملفينا ابومراد

الكتابة مرآة الذاكرة… بين الفهم والتفهيم الذاكرة والكتابة الذاكرة هي المحور، والكتابة هي الحوار. فكيف تكون الكتابة حوارًا؟الحروف التي تتكوّن منها كلماتنا، تثير الذاكرة، فتذودنا بما نريد كتابته. وكأنّ كل…

اترك تعليقاً