كدبة
٠٠٠٠٠
هي اللي بتكتب عن الحب
تعرف ايه عن احساس الحب
كل دقة منها ب ألف ذنب
هي اللي بتعتب على القلب
كل همسة منها خداع وكدب
قلبي اداوى منها وبعد عنها
وعن كل المشاعر القلابة
هي كدابة
هو كان وحيد عطشان
قابلها ف صحرة الحرمان
شافها ماية زمزم حلال
شافها دقة بتهزم الانكسار
عشقها سكة بترسم الآمال
اتاريها غيمة بتسجن الأمطار
اتاريها عتمة بتسكن الأحجار
اتاريها لدغة سم وحرقة و نار
بنت الساحرة بنت الأشرار
قلبي أداوى منها وبعد عنها
وعن كل المشاعر القلابة
هي كدابة
يعلم رب العباد قد ايه عشقت روحك
قد اية ادمنت بوحك قد ايه قسوة جروحك
ولو الزمن عاد عمري ما هاحب تاني روحك
قلبي اداوى منك اه وبعد عنك
وعن كل المشاعر القلابة
هي كدابة
يا ضفاير شعرها ياقصايد شعرها
قلبي الغريب مهزوم على أرضها
وندمان على كل كلمة حلوة كتبها عنها
ياريتها كانت نزوة ياريتها كانت غوفة
ياريتها كانت كدبة و مشاعر غرابة
وقلبي اداوى منها وبعد عنها
وعن كل المشاعر القلابة
هي كدابة
بقلم على عبدالرحيم محمد