وجع

كلمات / أيمن البكرى

وأنا ماشي فى الشارع
حاجات كتير راحت مني
حاسس إني ضايع
نفسى ألاقي حد يطمني
لقيت واحده بتنادي
بصوت عالي لاكن هادي
بقرأ الفنجان وبشوف الطالع
ولقيتني رايح عليها وبناديها

شوفيلي ياخاله البخت
وإضربيلي الودع
قوليلي ليه حياتي
كلها حزن ووجع
وليه كل إل أمنتهم
وكنت بحبهم
داسوا على كل حاجه
وعملوا فيا البدع

كل أما أمن حد
أتباع وأتخان وأتخدع
وأرجع من كل قصه
مليان وجع
حبيبتى وأول بنت حبيتها
كانت قبل ما تتكلم
بتلاقينى حسيتها
كنت بحلف
بطيبة قلبها وحنيتها
ولو عنها سألوني
كنت بقول
دي قلبي وعيوني
داه أنا ما صدقت لقيتها
أول ما شافتني وأنا بنهار
وجاتلها فرصه إنها تختار
إختاااااااااااااااااااارت
واحد تاني وباعتني
وبعد عشره وحب سنين
بقينا دلوقتي فى طريقين
وبقيت أنا مجرد
ورقه واحده في حكايتها

كل أما أمن حد
أتباع وأتخان وأتخدع
وأرجع من كل قصه
مليان وجع
الأخ مبقاش سندك
ولا الصاحب بيقف جنبك
ولا جار قلبه على قلبك
ومستحيل فى زمانا هتلاقى
حد لله فى لله بيحبك
دلوقتي كله قاسي وجارح
والكبر جوه النفوس طارح
تديني هتلاقيني
لو تطلب كمان عيني
والمصالح بتتصالح

كل أما أمن حد
أتباع وأتخان وأتخدع
وأرجع من كل قصه
مليان وجع