حبيبة
٠٠٠٠٠٠
القلب و ما يريد ياقلبي
وعشقه ف الوريد بيجري
ومهما تكون بعيد ف قلبي
دا مكتوب مش قادر اتوب
دا مكتوب البعد غروب
وحنيني ليك مش بيدي
والقلب و مايريد ياقلبي
يا ضي الليل يا ضيها
ياشجى المواويل يا حزنها
ياجبال يا بحور يا رمال
يا سما يا أرض يا امطار
أحلف اني مسحور ب حبها
احلف اني مكسور منها
احلف اني بعشق الكلام عنها
وكل ما أبعد دقة عن دقة قلبها
ياخدني الحنين ل احزان عمري
القلب و مايريد ياقلبي
ياحبيبة ياللي روحك حبيبة
حتى همسة بوحك حبيبة
بلاش الغيمة بلاش الغيبة
كوني فرحة كوني قريبة
وف جناين العشق
كوني للقلب الحلم الوردي
دا مكتوب مش قادر اتوب
دا مكتوب البعد غروب
وحنيني ليك مش بيدي
والقلب و مايريد ياقلبي
حببتي بنت القمر اه
حببتي نبت السهر اه
حببتي فرحة القلب ومناه
وكل حروف الحب وغناه
واللي جمعنا هو القدر
يا لهفة قلبي مش ها خبي
دا مكتوب مش قادر اتوب
دا مكتوب البعد غروب
وحنيني ليك مش بيدي
القلب و مايريد ياقلبي
حبيبة
بقلم على عبدالرحيم محمد