أنا راجع

كلمات……….. أيمن البكرى

أنا راجع
وأنا كلي أحزان ومواجع
ودموعي ماليه عنيا
أنا راجع وأنا مقهور
من جوايا مكسور
وكرهت كل حاجه حواليا
وفاكره إني لما مشيت
كنت ندل ولا حتي قسيت
ولا حبك فى لحظه نسيت
وإنك هنتي وعليا
داه أنا ياما علشانك إنتي بكيت
وندمت وقولت ياريت
يرجع بيا الزمان تاني
وأنا أتحدي علشانك
كل الدنيا ديا

بعيد عنك
شفت حزن ومر
والوقت مش بيمر
كل واحد فينا إختار
يكمل طريقه على حسابنا
وأدينا رجعنا تاني ب الإمر
رجعنا بعد ما عدي العمر
نعيد قصه لو إتفتحت
مش هنأخد منها
غير ألامنا وعذابنا
علشان كل واحد فينا
بقا ليه حياه تانيه
وصعب كل داه
يتغير كده فى ثانيه
ومهما عيونا قالت أنا إشتقت
مبقاش ينفع رجوع دلوقت
لما إختارنا الفراق
كانت فين قلوبنا

مش راجع ألومك ولا أعاتبك
على إل عدي وفات
خلاص دلوقتي إنتى وقلبك
مجرد ذكريات
وغصب عني بشتقالك
وبحس إنى محتاجلك
وبتصحي فى قلبى حاجات
وأرجع أفتكر إن إل بينا خلاص
وأنا مابقتش أنفعلك
وياما قبلنا إنتهت حكايات
ومستحيل دلوقتي أرجعلك