الوداع ياعام
✍️ فتحيه على عبد النبي
******************************
ياريت تعزر و تقدر معاني الكلام
الوداع ياعام
شفنا فيك الغلا بذيادة غير الألام
وكل حاجة بقت بكام
و يعوض الله
و نقول على الدنيا السلام
و بدأت تجمع أوراقك
وأعلنت معاد الرحيل
أنا بشكرك على كل حال
وشايلين الجميل
من بعد أوجاع للأسف كان لها التأثير
و سيب بقى من قلبك
ذكرى حلوة لولاد الأصول
و خد معاك كل أسية
وكل من كان لك أسير
وخلي زهور الأنسانية
ووزع الورد الجميل
يمكن يكون بالنسبة
ليا هو دا العام الاخير
والي يعاملوا بحسن النية
كرمهم دول أهل الخير
ووصي الأعوام الجاية
ينسوا عهدك وبضمير
وحضر لنا خطبة وداع
من غير مواعظ ولا ترتيل
ضغطت علينا هموم الدنيا
لا عاد نوم يجينا لا نهار ولا ليل
مستحملين لا أعترضنا ولا قلنا كتير لا مستحيل