★حلم طفلة★

كان ياما كان
كان فيه إنسان
حِلمُه بسيط
يعيش بأمان
كانت بنوتة
بقلب صغَيَّر
عاشت حدوتة
كات عاوزه تغَيَّر
الكون حواليها
بكل ماليها
طفله بريئة
بس جريئة
أخدت سفينتها
خرجت من بيتها
نزلت ف المطرة
ماهي ذكية بالفطرة
وقالت دي بحري
وهوريكم سِحري
يا سفينتي سيري
في البحر إوعي تميلي
مش عوزاكي تِهَدي
لو تقدري طيري
وللوطن شيلي
وللخطر عَدي
ياسفينتي يا مسحورة
برعاية الله مستورة
وعل العدا منصورة
للعزم يالا شدي
لأجل مانكون واحد
ما يكون قلبنا جاحد
مش عاوزه دمار
ولا طلقة ولا عِيار
ليه نكون أشرار
ونخليها نار
عاوزه ود وتفاهم
والكل يكون فاهِم
وبأفكارنا نِساهِم
وما حد يكون واهِم
والحق أكيد باين
ما نِسمَح لخاين
لاياخد ولا يِدِي
ياسفينتي ما تغِشي
خلي إبتسامتي ف وِشي
للشر يلا قُشي
وللفِتنه لازم تصُدي

#هنائيات