صحيفة نحو الشروق
قصة غرام
محمد ضباشه
أحببتها …
غصن الكلام اللى انحنى
من كتر شوقه للقمر
ضل الشجر فوق السطور
قاعدة سمر …
بسمة تاخدنى ف حضنها
فتبل ريق زى الحجر
يجرى بخريفه لحجرها
ينزل مطر …
يفتح نهارى فى قلبها
يطفي شموعى اللى انبرت
ويا ليالى فى بعدها
مَلَّت سهر …
من بين ضلوعى أندهك
ضمى اللى باقى فى دنيتي
صحي حروفى الميتة
تلمح عيونك قبلتي
فاكتب على سطور الأمل
قصة غرام …
بيني وبينها فى الزمن
كام ألف عام …
لكن هواها يشدني
ويهزني من غير كلام
ينهض كلامى اللى اتسجن
حلم فى منام …
ينثر قصيدى اللى اختمر
ويجمعه بدر التمام
يعرف قوام مين حبها
من قبل عشقه للكلام
من ديوان رسالة بعلم الوصول 2022
المحرر الصحفي: أساهي فريد
