صحيفة نحو الشروق
دى مصر
بقلمى محمد عنانى
دى مصر تبقا أرضنا
أغلى كمان من نفسنا
وساكنه جوا فى قلبنا
أرض جدودنا وأهلنا
عاشقين ترابها إكمننا
منها ورضاها يهمنا
لو عِشنا حتى بهمنا
بكفايه خيرها يعمنا
وفداها روحنا ودمنا
وإيد فى إيد دا حلمنا
ونحب دايما بعضنا
ساعتها يكمل فرحنا
ويزيد هنانا وسعدنا
بالغاليه مصر وأمنا
وبحضن دافى يلمنا
وبصدق ندعى لربنا
يفضل حنانها يضمنا
يحفظها ويصونها لنا
وولاد ولادنا بعدنا
المحرر الصحفي: أساهي فريد
