صحيفة نحو الشروق
أمسيات الحسن. قصيدة. .23/ 12/ 2021
( ورد ألبستان )
بقلم الشاعر : حسن حلمى
دقات قلبي زى ما كان
ولا عمره بينسى العنوان
أنا عودتك تسهر ياما
حد نجوم ألليل ما تنام
حن لقلبك وأرجع تانى
وأفرش وردك بألبستان
يضحك قمرك ويبان بدرك
لما هلال العيد يلقاك
يلمس أيدك ويزيد شوقك
كأنه الحب بكل مكان
أه يا حبيبي لمعة عينيك
كلها شوق وحنين وغرام
كأنه ما نمتش ليلة أمبارح
ليه متغير ليه حيران
وأنا قلبي ما ينسى العنوان
من يوم قلبك ما نده قلبي
وسط ضلوعك ليا مكان
ساكن جوه ألعين وحياتك
بحر عيونك أصله أمان
ولا عمره يسيبنى غرقان
لسه حنيني بشوق وغرام
ولسه ألعطر بكل مكان
زى ما كنت أنا وأنت زمان
لما تقرب أه يا حبيبي
أحس الخطوه بالخلخال
كأنك فرسة تلف ميدان
بضلوع قلبي وحضني كمان
أقرب أكتر خليني أشوفك
ألمس أيدك وأقرء حروفك
أصل أنا شاعر كلي مشاعر
بقرأ حروف الحب قوام
ليه تتغير ليه مكسوف
كأنه البدر حصله خسوف
كأنه الشعر الطاير هفهف
من فوق كتفي زى زمان
خطوه بخطوه وقرب تاني
ده أنا يا حبيبي بغني أغانى
من لون عينيك ليلي وسهري
وبدر منور يطلب سمري
أه ياني منك ياللى شاغلني
ليل ونهار قلبي بيسألني
راح فين قمرك قولي يا ليلي
ليه بيغيب ويومين بيبان
من غير حتى ما يرمى سلام
ولا يقطف ورد ألبستان
أنا زعلته لا يا قلبي
وهو
كمان لا مش زعلان
بس يومين وعيونه
تبان
نملى الدنيا حنين وغرام
ونسكن تانى بالعنوان
دقه بدقه
نحس أمان
ونحضن بعض بعيد عن الناس
لسه عيونه
بتعشق
عيني
ولسه العطر يفيض بحنان
أيوه أنا حسه
زى زمان
زى ما كنا و كنا و كان
كان يشتاق
ورد ألبستان
بقلم الشاعر : حسن حلمى
المحرر الصحفي: أساهي فريد
