صحيفة نحو الشروق
أمسيات الحسن. . 11/ 12/ 2021
( لساك أصيل يا جدع )
بقلم الشاعر: حسن حلمى
أبن الأصول
لا يعاتب الندل
لو باعه
للخسيس
بوقت المحن
سيبه للزمن
هو قادر يعلمه
أن الجدع
عمره ما يقع
لأنه ياما
شال بحمل
الجبال أوزان
من الوجع
أه يا جدع
ولا تصدق
ضحكة الزيف
بالوشوش
قبل ما
تضرب الودع
وشوف
يا جدع
زيف
الوشوش الوان
ولسه
ياما هيبان
اصل الجيراب
عمره ما
بيخلا
من التعابين
وسمهم
غادر
حتى لو كنت
أنت مين
ما تقول
يا جدع
أنت مين
أنت اللى
شال
حملهم طول السنين
ولا
داويت جرحهم
بنظرة حنين
ما تقول
يا جدع
اد ايه
فاتت سنين
وبتخدع
اد ايه
عدت ساعات
وبتتوجع
لسه خايف
بنظره منك تجرحه
ولا خايف
رد قولك يوجعه
قول
يا جدع
ولا سيبه للزمان
هيعلمه
أن الجدع
يا شال بحمل
الجبال أوزان
وأبن الأصول
عمره ما
يعاتب الندل
لو باعه
للخسيس
بوقت المحن
قول
يا جدع
بقلم الشاعر : حسن حلمى
المحرر الصحفي: أساهي فريد
المحرر الصحفي: بسام أحمد العبدالله
المراسل الصحفي: محمد جميل عبد الزهرة
