صحيفة نحو الشروق
بيقولوا
بقلمى محمد عنانى
بيقولوا
بيقولوا عليها دى أغانى
وليها محبين
لا فيه كلمات ولا معانى
ولا فيه تلحين
غير خبط حلل ويا صوانى
وحاجات تانين
وتريند بإعجاب وتهانى
وصلت ملايين
مابين شيكا بيكا وألمانى
ولا أبو راسين
والواد حنتيره الطليانى
وأخوه حسانين
بتفاهه وجعت لى ودانى
وشباب ما سخين
واللبس وفيه احترت آنى
وعقول ضايعين
من سوء أصواتهم بنعانى
وحنشكى لمين
يرحم أيامك يا زمانى
كان فيه سامعين
وكلام بصحيح يبقا أغانى
ومعاه تلحين
بيمس مشاعرى ووجدانى
بشوق وحنين
وجمال أصوات كان ربانى
وأكيد فاكرين
المحرر الصحفي: أساهي فريد
المحرر الصحفي: بسام أحمد العبدالله
المراسل الصحفي: محمد جميل عبد الزهرة
