صحيفة نحو الشروق
اجمد ياقلبي
على قد الحب بيكون الملام
وعلى قد الشوق بيكون الخصام
وعلى قد العتاب بيكون الغرام
دنيا الهوى دنيا كده ماليها نظام
اجمد ياقلبي وخليك شديد
وأضرب ياقلبي بإيد من حديد
الحب ضعف والشوق مهانة
لما طيرك يبقى طير شريد
يازمان الهوى إيه غيرك كدا
كل مافيك حلو راح واختفى
وليه طبعك بقى كله جفا
حتى جبر القلوب اختفى
هى قلوبكم جرالها ايه
كل ساعة فى حال
قلوب مرجيحة ولا أيه
ساعة لقلبي وصال
ويوم مش داري بيه
ياما قلت لك زمان
خليك بعيد وفي أمان
وأبعد بعيد ع الهوى
فيه قلوب تعبانة
فارقتها الابتسامة
ودموعها ع الخد ياما
كانت بتحلم بيوم
تعيش الهوى بإبتسامة
كلماتي : محمود صلاح
المحرر الصحفي: بسام أحمد العبدالله
المحرر الصحفي: أساهي فريد
المراسل الصحفي: محمد وسوف
