صحيفة نحو الشروق
(ف إديك تعيش)
من قبل ما تسيب الجناح
للهوا
والليل بيدخل ع البيبان
حاسب وطاطي للرياح
دا الريح لا يمكن
تبقى ف يوم
امان
اربط ريشاتك والحزام
وارسم خريطة ملونة
تعرف تحدد فين وليه
وتقيس حرارتك فوق مقطم
أو
جبلاية للقرود
ف إديك تعيش
فوق عرش قلب
وتلم يين جيدك
وعين
تل شامخ
من قصاصات الجنون
خد بعد ربط بين حروفك
تاويل لحلمك
وان بكرة
بقرة سمينة
تبلع الماضي اللي ناقص
ضلع ف مثلث وجودك
وان شهودك
بحر وسفينة ونجوم
سيب حياتك
تعلي لبروج ابحقيقة
دا الدويقة
فيها جامع
فيها وكر
والمواخير اللي كاتبة
علي جدار الزمن
زي الفراعنة
كل واحد يبقى سايق
مش أمير
الوراثة
والنخاسة
والسطور
زي شربة م الشعير
ممكن تنزل الحصي اللي ساكن
ف مثانة التاريخ
الهدوء عمره ما يساوي الصريخ
فين دوسيهك
أو شرح الشروح
أي متن مالوش ركيزة عنعنة.
محتاج يحقق
محتاج لمعمل
يقدر يحلل
أو يزلل
أو يفوح
الشاعر وحيد راغب
المحرر الصحفي: أساهي فريد
المحرر الصحفي: بسام أحمد العبدالله
المراسل الصحفي: محمد وسوف
