رمضان كل ايام السنه .. شعبي

 

دوم احنه بالحزن

متحزمين

و لمن تجي نفرح بيك

و معيدين

ننتظرك حتى نتصالح

و نتسامح

و ننسى الي كان

و بالصلح ماشين

و نبتدئ بصفحه جديده

و نرجع الطبعنه

بس احنه لازم

مو بأيامك انصير

احسن ناس

و بالدين ملتزمين

الزين بكل ايام السنه زين

و لا يطلع منه عمل شين

موبس أبرمضان

يغض البصر

و ينّزل العين

ايامنه كلها تقى

و عالعهد احنه باقين

وخل شمسنه ابضواها تضوي

لأهلنا الطيبين

ونكول الكل البشر

ارضنا ارض الرسل

ارضنا ارض الدين

و خلي تتشابك ايدي

و يا أيدك ياخييِّ

و نلتكَي بلمة محبين

خل نفرح

و احنه مجروحين

و لا يضحك علينه

المأجورين

بهيج ايام نزرع احنه الخير

و يزرعون الفتن

و ترانه مذبوحين

اختلط دم البشر

ويا عظمهم

و الكاع تكَول كلكم عراقيين

متخاويين احنه و للابد

و ما نفترك لو مَرمرت

بينا اسنين

حسان ألأمين