صحيفة نحو الشروق
امسيات الحسن. . 1/ 4/ 2021
( سفينة العرب )
بقلم الشاعر :حسن حلمى
مصر يا امه يا سفينه
افردى قلوعك وعدي
هتلاقينا فى كل مينا
كنت احمد ولا مينا
صدقينا راح نصونك
كله من خيرك علينا
نحرس الارض بنورك
يا مدينه ودايبه فينا
دوبينا بخمر لونك
يا كحيله ويا جميله
مصر يا امه يا سفينه
قالو عنك حمل زايد
واحنا دوبنا رمالك
قولنا احنا ولاد ترابك
نحفر الارض بايدينا
نعدى بيك يا سفينه
افردى قلوعك وعدي
ولفى بينا فى كل مينا
مصر يا امه يا سفينه
لملمى ولادك فى حضنك
واسقى وردك شهد نيلك
كلنا يومها ندعيلك
نفرد القلوع بعلمك
فى المداين يا جميله
مصر يا امه يا كحيله
يا ام طرحه وجلابيه
تفضلى عمرك بهيه
يا صبيه بحنه بلدى
تسلمي دايما يا بلدى
مهما قالو الحمل زايد
راح نزايد ايد ولادك
نعلى فوق الكل بيك
ونرفع الرايه بعلمك
انت علمتينا دايما
نلغي كلمة مستحيل
ونحفظ الود لاصيل
مهما تبعدنا الاراضى
احنا اخوه وكله راضى
وكله من خيرك يا بلدى
مصر يا امه يا سفينه
افردى قلوعك وعدي
هتلاقينا في كل مينا
كنت احمد ولا مينا
بقلم الشاعر :حسن حلمى
المحرر الصحفي: بسام أحمد العبدالله
المراسل الصحفي: محمد وسوف
