صحيفة نحو الشروق
لوعة الفراق
غلطان يا اللي تقول البعيد
عن العين بعيد عن القلب
انا وحبيبي حكم علينا الزمان
نعيش سنين فراق وحرمان
لكن ساكن قلبي ولا انساه
مهما يمر الزمان
اه لو تعرفوا قد ايه
وحشاني نظرة عنيه
لمسة أديه
معاه بحس بأمان
وأنسى الدنيا وأنسى الزمان
حبيبي عن عيني بعيد
بيني وبينو بلاد وبلاد
وبحور لكن حبو كل يوم بيزيد
مع انو عني بعيد
حبيبي… حبنا بحر محبه
يروي قلوب كل الاحبه
ويكفي ويزيد محبه
يا طير يا طاير
ورايح عند الحبيب
امانه عليك لو شفتو
بلغو شوقي وسلامي
واحكي لو على حالي
واوصفلوا اللي جرالي
في بعادو وقل له حبيبك
من الفراق يصعب عليك حالو
يمكن يحن ويعود من تاني
آه يا غربه يا مفرقة
كل عزيز وغالي
من كتر الانتظار
راح الصبر ولا جاني …
بقلم…فاطمة محمد محمود
المحرر الصحفي: أساهي فريد
