صحيفة نحو الشروق
((يابياعين الود))
يابياعين الغرام
قولولي نصيبي فين
إنتوا بخلتوا علينا
ولا إحنا مش عاجبين
كتير بننده عليكم
سادين ودانكوا بطين
مين اللي يبقا السبب
نكون كدا فاشلين
سايق عليكم النبي
تقولوا مره الحق
قلبي إندبح منكم
ومن فعلكم هنطق
يابياعين المشاعر
ومعدومين إحساس
طريقكم بقا واعر
قلبي انا حساس
لوجودنا ليه تنكروا
وتقفلوا الابواب
ولما تيجوا تحكموا
الحكم يصير كداب
لو لينا بتعلموا
بلاش علام لدياب
حبينا حب الفطره
أتاري ليكوا نياب
بتنهشوا بلارحمه
والضمير ف غياب
يامقطعين الود
كفايا بقا تقطيع
بالحلو نقول إسمكم
كفايا فينا تشنيع
المر زاد منكم
ملينا م الترقيع
نزرع بذور ودكم
نازلين فيها تقليع
ملعون ابو ودكم
لو لينا ع تزلوا
بناقص بقا وصلكم
لو إيدينا يتشلوا
يابياعين المشاعر
يا مقطعين الوداد يابياعين الغرام
فارقونا من غير سلام
وبناقصه حتى الكلام
سايق عليكوا النبي
كفايا كدا تجريح
ولو التجريح دمكم
فينا بلاش توضيح
بقلم
نبيل عبد الحليم
٢١/١٠/٢٠٢١
المحرر الصحفي: أساهي فريد
