صحيفة نحو الشروق
أمسيات الحسن. .18/ 12/ 2021
( وحشتني لمتنا )
بقلم الشاعر: حسن حلمى
عدى الهوى بالحنين
على سقف باب بيتنا
سلم وقال يا جميل
وحشتني لمتنا
فاكر بقالنا سنين
ما تحس لمستنا
كأنك ربيع الورود
تسقيها من نبعك
أهآ و أه يا زمان
على اللى مفارقنا
فينهم بقالهم زمان
ما أشتاقوا لعيونا
أنا كنت فارد جناحي
للخطوة لقدومها
وبعت شوقي يراسل
ألنظرة لعيونها
فاكرانى ولا نسيتى
ياللى ألغرام شطك
وعلى ألبر رستني
وكتبت بألرمال حرفك
ولا بردو حسيتني
وأقطفتلي وردك
تهديني من عطرك
منك وأه يا زمان
وحشتني لمتنا
عدت سنين ألغرام
ولساه تزور بيتنا
ترسل هواها بحنين
وتحس ضمتنا
جوه ألضلوع بالأنين
من يوم ما فارقتنا
وحشتني لمتنا
بقلم الشاعر : حسن حلمى
المحررة الصحفية: لطيفة محمد حسيب القاضي
المحرر الصحفي: عوض خلف عوض
