★هَلْوَسَة★

في وسط الأحزان والزحمة
عزمك يا نفسي على عزومة
عاوزك تكوني فرفوشة
ولا مره تكوني مهزومة
قوليلي مين فكر فيكي
وإنت بتبكي ومهمومة
الكل بس شايف نفسُه
وبسيطرتهم محكومة
لو مره فكرتي في نفسِك
عُمرك ما تكُوني مدعومة
كله بيرمي عليكي اللوم
ولا كنتِ منهم مرحومة
ولاحد شايف جواكي
ولا إنتِ من إيه محرومة
بتفكري ليه بس ف غيرِك
وبواجباتهم ملزومة
تتعبي نفسك بس عشانهم
ومن عدم التقدير مصدومة
كفايه شيل هم وتفكير
ولا له أهميه ولا لزومه
نُخرُج أنا وإنتِ لوحدينا
سِيبِك من كل المنظومة
فكري مره بس ف روحِك
ولا تبقي بحد ملزومه
آن الأوان تُنصُري نفسِك
تِعِبتي تكوني مظلومة
#هنائيات
#هناء_الغمري