من غير عتاب
محمد ضباشه
عضو اتحاد كتاب مصر 🇪🇬

الشعر شاب والحب عاب
من غير عتاب غَرَّق قلوب
بتعوم على موج الغياب
روحها مسافرة للغروب
لما حصان الشوق بَرَك
وفى يده عكازه ورق
والعمر منه فى مفترق
ماتحمله يومين يدوب
هم اللى باقين فى الزمن
فيعدى بيه من غير عذاب
قدام مراية هجرها
بحلق وملقاش العيون
اللى حضنها فى صغرها
بين الرموش بتساوى كون
حاول يهز فى نخلها
يغزل مشيبه بشعرها
ينسج لها نظرة رضا
يرجع زمانها من غياب
ينده على حضن القمر
يسهر يداوى اللى انجرح
يلغى الظنون والمحتمل
لحظة فى قلبه ينشرح
لكن ولا هى هنا
مش حاسة حتى بقربنا
ومن غباوة بختنا
قايدة الشموع من غير سهر