صحيفة نحو الشروق
منين اجيب الصبر ؟
محمد ضباشه
ماشي وشايل همومي و الْغُنَى أشجان
والقلب جف ونشف من حب كتير عدمان
م اللي حداهم هوى يفتح لقلبي حياة
يا سكة الآاااه كفاية شيل جفا واحزان
منين اجيب الصبر والكاس بقى فاضي
والقلب عريان سكن يبكي على الماضي
واللي هويته وشلت حبه ف عيوني
قَطَّع حبال الوصل وداب حنينه ما بان
ما عاد ميعاد نلتقي على بصيص شمعة
تسهر وتكتب لها تمسح حروف دمعة
وتجيب ببسمة القمر يسهر معانا الليل
ينعي خريف دنيتي واشوفها بالألوان
أغزل لها فرحتى تنسجها حب وشوق
وتبقى دى قسمتى والحال معاها يروق
وتْفُكْ قيود وحدتى والقاني ويا الريح
عصفور على شطها بيعزف الألحان
طاير رضاه فى السما بيهدهد الحلوين
يقطف شموس الحياة تنور لها ف العين
أمن وأمان سندسي يدفى أيامها
واقول يا محلا القمر نور فى قلبى جنان
المحرر الصحفي: بسام أحمد العبدالله
المحرر الصحفي: أساهي فريد
