مكسور خاطرى

كلمات / أيمن البكري

عارف لما تبقى حاسس
إن كل الدنيا ضضدك
ومن العالم كله خايف
وعايش فيها لوحدك
وأقرب ناس ليك
داسوا بقسوه عليك
وكل إل أمنتهم
باعوك وخلفوا وعدك

كل ما الدنيا بتيجى عليا
بقول نصيبى وقدرى
مكتوب علينا الدموع يا عنيا
ياحزن عشش جوايا
ويا فرحه إبعدى هاجرى
الدنيا ما بقتش ليه دنيا
والناس ما بقتش ليه هي
وطول عمرى وانا عايش
مكسور بخاطرى

طول عمرى الدنيا هدانى
ألمين على وشى وخدانى
بعيد عن أهلى وناسى
وحاسس إنى وحدانى
من كتر جراحى ويأسى
ساعات بنسى نفسى
وبحس إنى واحد تانى

قلوب الناس إتملت قسوه
وبقت الحياه نزوه
وشيطان فينا متحكم
مبقاش فيه خلاص إخوه
ولا إصحاب ولا عزوه
وذنوب عماله تتركم

فى وقت الشده
هتلاقى مين جانبك
ومين النهارده
قلبه على قلبك
أقرب حد ليك باعك
وفرح فى أوجاعك
صدق كلام عنك
من غير حتى ما يعاتبك

وشوش الخلق مش باينه
والدنيا كلها خاينه
الكل إتخلى عنك
حتى إل كان منك
أقرب ما ليك معبيلك
وبيجهز ويحفرلك
ولو غلط مفيش حد
هيسامح ويغفرلك
الناس دلوقتى بتتحول
مابين الحظه والتانيه