صحيفة نحو الشروق
ماهي حروف و وركَ … شعبي
اني مو اول
و لا آخر حبيب
مع حبيبه يفتركَ
قصتنه انكتبت بالكَلوب
ماهيَّ بس حروف و وركَ
الخيانة
مو بس انك تحاجي الغير
الخيانة من ترتاح انت
و تترك اليحبك يحتركَ
و آني ألي حبيتك
بكل احساس
و أنت تتأمر وياهم
و على قتلي تشترك
يالي عمرك ماهويت
و ما جربت الهوى
و عمر كَلبك
بالمحبه ما يشترك
المحبة احترام وتفاهم
ما هي اشتباكات و عرك
ابقى احلم وأنت مرتاح
و لا بد حلمك ابيوم
ينسركَ
و ترجع مثلي
خالي اليدين
لا حصلت الي احبه
و كل الهموم ابكَلبك
تنترك
و دور على
الي يحبك صحيح
حتما تلاكَيه وبيه تنرزك
والخاين البذات
وين ميروح
الخيانه بيه تبقى و تنلزك
بقلمي حسان الأمين
المراسل الصحفي: محمد جميل عبد الزهرة
المحرر الصحفي: أساهي فريد
المحرر الصحفي: بسام أحمد العبدالله
