المحرر الصحفي: أساهي فريد
لسه بحبك
٠٠٠٠٠٠٠
رغم قسوة زمني
رغم حدة شجني
رغم شدة وطني
رغم وجعي منك
بكتب لك لسه بحبك
لسه بفكر فيكي
لسه بحس بيكي
بتحلم دقاتي يوماتي
تسكن حشا لياليكي
تحضن حسك ونبضك
يا سقياني كأسك و سحرك
يا مدوباني ف احساسك و بحرك
ازاي قلبك هاجرني وعشقك لسه شاغلني
مجنون اه ومجنون قلبي اللي حبك
ولسه بكتب لك بحبك
بيسأل القلب قبل العين
رايحة ب روحي ل فين
يا كل جروحي ياحب السنين
ليه غاوية تكتبي على دقاتي
دقة دقة حروف الشوق والحنين
ليه غاوية ترسمي ملامح اهاتي
ب الرقة على برواز العشاق الحزين
غلطة قلبي اللي عاش لك سجيين
ولا غلطة روحي يا كل جروحي
يا اجمل بوحي يا كل حب السنين
رايحة ب روحي ل فين
وازاي قلبك هاجرني وعشقك لسه شاغلني
مجنون اه ومجنون حسي اللي قربني منك
اه بكتب لك لسه بحبك
يا غناية يا دقة هواية يا زهرة جناين مناية
عارفة بيتمنى ايه عالم الحيرة اللي جواية
بيتمنى زي ما شرب كأس عشقك وما اتهنى
يشرب كأس كرهك ويبعد عنك اه بيتمنى
ياسقياني كأس سحرك
ازاي قلبك هاجرني ولسه عشقك شاغلني
مجنون ومجنون قلبي اللي حبك
ولسه بحبك
كلمات علي عبدالرحيم محمد
