صحيفة نحو الشروق
…..
تسمحيلي اني اقولك.. ايوة كان قلبك اناني.
ايوة قلبي حب قلبك.. بس غدرك كان عشاني.
عشت عمري كله اضحي.. وانتي بتهدي فثواني.
غصب عني أن اقولك.. ايوة كان قلبك اناني.
….
تسمحيلي.. متسمحيش.. قلبي كان لازم يعيش..
كنت بقول غيرك مليش.. وانتي بتبعي فثواني..
تسمحيلي بعد اذنك… اني اقول قلبك اناني..
……
كنتي بتحبني ايوة… بس حبك شكل تاني..
حب من نوع التملك.. حب ليكي مش عشاني..
حب ونهايته الخداع.. عمرك ما قدرتي حناني..
تسمحيلي بعد اذنك.. ان اقول قلبك اناني..
…..
تسمحيلي بعد اذنك اني انا اكتب نهايه..
والنهاية مش عادية.. دي نهاية من البداية.
ايوة انا همسح ماضيكي..
ايوة انا قلبي نسيكي..
عمري ما اقبل ابقى ليكي..
انتي فعلا شكل تاني..
تسمحيلي بعد اذنك..
أن أقول قلبك اناني..
…..
تسمحيلي بعد اذنك. ان اقول قلبك اناني..
ايوة قلبي حب قلبك.. بس غدرك كان عشاني..
غصب عني أن اقولك..
أن قلبك عاش اناني..
تسمحيلي بعد اذنك.. ان اقول قلبك اناني.
المحرر الصحفي: أساهي فريد
المحرر الصحفي: بسام أحمد العبدالله
