فرحة عمرى

كلمات ……

أيمن البكري

كل يوم بيعدى
وأنا فى الدنيا دى وحدى
وقطر الحياه ماشى
لا بيقف ولا بيهدى
فرحة عمرى إتسرقت
كل حاجه حلوه إتحرقت
وقلوب كتير حبتهم
راحت بعدت فارقت

أنا الغلطان يادنيا
سلمت لل باع وخان وغدر
مسألوش عنى ثانيه
قلوب قويه ذى الحجر
وهقولك ياقلبى إيه
حبيت وعشقت ليه
وإختارتها من بين كل البشر
أهى إل وثقت فيها
سأبتك وهونت عليها
ومدمعتش دمعه واحده
وإنت قدام عنيها
بتضيع وبتكسر

وطريق طويل يادنيا
مشوار مالوش أخر
طول عمرى عايش فيكى
ذى الضيف المسافر
كتير قوى إتكسرت
وحاجات غاليه خسرت
ولسه بحاول وبعافر

طريق طويل يادنيا
والكل بقا ضضدى
ومفيش حد معايا
مش عارف العيب فيا
ولا أنا غصب عنى
بقيت جزء من الحكايه
الكل عاملى قاضى
وفاتحلى حسابات الماضى
وأنا ساكت وراضى
ومستنى الحكم فى النهايه