عيش انسان
عيش انسان بكل مافيك
بمعنى الكلمة والأحساس
مهما الدنيا تعاند فيك
مهما اتغير طبع الناس
اه الدنيا فيها متاعب
فيها الظلم هو الغالب
فيها ناس ضميرهم مات
وناس تخاف يوم تتحاسب
لكن مهما الكون اتغير
عيش انسان بقلب محارب

عيش انسان اعمل خير
دايما ساعد مد إيديك
خليك حر وزي الطير
اللي عملته راجع ليك
مهما تكون القسوة شديدة
احلم تاني بدنيا جديدة
كل خطاوي وليها نهاية
مهما تكون السكة بعيدة
بنعيش دنيا فيها جراح
وفيها ايام بتبقى سعيدة

شاعر الأغنية
علاء الخولى