عيدك يا أمي
كل يوم بيعدي عندي
هو عيد . عيدك يا أمي
أيوه عيدك
والعيد عندي هو إنتي
لما بحضن إيدك في إيدي
لما أكون خايفه وأترمي
في حضنك بحس بالأمان
والدفا يجري في وريدي
ده مش عيدك يا أمي
لأ ده عيدي
عيدي لما أشوفك جنب مني
شايله همي أحن من قلبك
مش هلاقي يوم يا أمي
بعد منك مين هيخاف عليا
مين هيحس اللي بيا
مين اللي تعب وسهر
الليالي جنب مني
زي حضنك مش
هلاقي يوم ياأمي
ياللي حبك جوه دمي
ياللي روحك هي روحي
ياللي قلبك جوه مني
مين بعدك يشفي جروحي
مين بعدك هيشيل همي
لو أطول وأديكي روحي
روحي فداكي ياأمي
حنان شوقي اللواء