الناقد الاديب: أبو أحمد عدنان الكناني
الحزن لرويحتي بفگدك،،ولمصار
وجثيـره أهات بگليبـي،،ولمصار
گمت بهل القرى اتنشد ،ولمصار
وادور. عالـيعيـن الحـال اليه
احبابي الحقد مره ،،ماكنلهم
الگلب. واغراب كنيه،،ماكنلهم
لون ابطبعي عرفو ،ماكانلهم
عـذر.للطعن والتنكيل بيه
دليلي يـبان هـمـه ،،كلمداراه
ويفيض بعيني دمعي،،كلمداراه
بسبب ذاك الجفاني ،،كلمداراه
اشوفنهه الوسيعه تضيگ بيه
گلـي منيـن عگـبك ،،سلوناجيب
يمن گتلي انته تامر،،سلوناجيب
عفتني وگلبي بعدك،،سلوناجيب
اله بطرواك بلكي يهيد بيه
وحـگ بيت الله والحج ،،والمشاعر
دليلي بهـمه عاشگ ،،والمه شاعر
شضـم محتـار بأمـري ،،والمشاعر
براكين عله ساعه وتطگ بيه
الگلـب هيهات منــك يـوم ،،برجاه
وعگل راسي بهمومك طار ،،برجاه
بسبب هجرك الموت امسيت،،برجاه
عسه راحه تصح وياه اليه
يظل بالريه عطرك ،،والهناعيش
وتمنيتـك حـمامـه ،،والهناعيش
لجيتك ابقه اناطـر ،،ولهناعيش
عمر نوح وهوه العشرين بيه
اليوافـي وياي ماينعد .،،كمنخل
بعهده. ونظرتي لربعي،،كمنخل
التبسملي وضحـك سنه ،،كمنخل
لجرحي ضماد طفه النار بيه
مثل شاعر يحاچي بشوگ ،،قلما
يگله لولفي عني ارجوك ،،،قلما
بفكري. وخبره حيل النفس،،قلما
يكفي الريتي بجفاه اليه
وحگ من كلم الهدهد ،،بلغتاه
العمر حسيت چن حده،،بلغتاه
انتهيت وحتى دفـاني ،،بلغتاه
يحظر الگبر كون بساع اليه
رعد ال طوسي
المحرر الصحفي: أساهي فريد
I’m truly enjoying the design and layout of your blog. It’s a very easy on the eyes which makes it much more enjoyable for me to come here and visit more often. Did you hire out a designer to create your theme? Outstanding work!|