صحيفة نحو الشروق
بقلم الكاتب / عبد المجيد الديّهي ؛
…………………………………………………….
شهادة الزور ؛
……………………………………………………
ملعون
أبو الفلوس
إلليِّ معدنها صفيح ورق
ملعون
أبو الجاموس
إللي ماشي فـ الطرق
دا الفلوس
بتغير النفوس
إللي أصلها حفاضات خرق
وتفرق
الحبايب حتى الأخ إلليِّ
مات بالحسرة وإتكفن بالعرق
وشر البقر إلليِّ
قاعد فـ الركن يبيع فتن
ويبعد كمان الأصيل إللي افترق
ويعيد
ويرغيِّ من غير حجج
ويلون الخطوط ويمهد الطرق
تبقى إيه
أصل الحكاية
إلليِّ مالهاش ياناس سند ورق
ولا ليها
أساس قواعد
تبني عليها طمع إللي سرق
دي الحياة
ثواني زي قعدة القهاوي
المتشعلق فيها فكر عقله نهق
شخبط
شخابيط وأسس مداميك
ولون يا سيدي أسفلت الطرق
شهادة الحق
حق عدل ع الجبين
وكلمة صدق لقيم العدل نطق
ومؤرخ سجل
الكتب رقيب عتيد
والذنب إثم جاز العوالم وانطبق
وضياع
حق اليتيم ذنب كبير
إنكتب بكل ضمير على الورق
تيجي نعقلها ولا
الضمير شاطط بعيد
وضاع وضيعته راخر واتسرق
إيه المكسب
إلليِّ عاد عليك ياولد
رضيت إبليس ودخلت النفق
وشاركت
الحرامي بشهادة زور
وضيعت الحق والكذب صدق
دي سعادة
القلب إيمان وتقوى
وحق اليقين بعدل السما لحق
والدنيا فانية
ولا تسوى وزن ذرة
ومجالس العرف حكمها فلق
ماليها
غير لحن الكلام مراد
وأدلة الحوار أنغام حمار نهق
أبشر
بخلود غير مكرم فـ النار
الشهادة كتبت بصدق ع الورق
والشاهد
جوارحك الناطقة بالحق
من غير زور ولا كذب ولا ورق
…………………………………………………………….
بقلم الكاتب / عبد المجيد الديّهي
من ديوان ( العزف على وتر الأنغام )
…………………………………………………………..
المحرر الصحفي: أساهي فريد
