سألوني ليه …
بتقسي علية …؟؟
ومن ليك 
فى الدنيا تاني …
وإنت اللي كنت تنادي عليه 
يجري بسرعة
عليك في ثواني …
ويقول لبيك أنا بين إيدك
يا روح قلبي
ووجداني …
رديت وقلت :
من خوفي عليه
يشوف الويل فى الحب
ويتمنى يوم
ينساه و ينسانى …
وأنا بحبه
واتمني قربه
وما يغبش يوم
عن عيني ثواني …
ومادام دا حالي
وأنا بهواه …
يغيب يغيب عن عيني
ولا بنساه …
يذيد فى بعده
وروحي عايشه معاه …
ومهما ذاد هجره وجفاني
أنا بحبه.. !!
وماليش غيره
حبيب تاني …
وليه بيلوموني على قساوتي
ولا يلوموه …
على غدر قلبه
و إنه سقاني الويل فى حبه
وغاب عني وراح
ولا جاني …
وأنا بحبه.. !!
وماليش غيره
حبيب تاني …
سيبوني أحبه
وعلى قد حبه يكون هوايا
وميكونش حبه …
فيه ظلم قلبي وسبب شقايا
ليه ليه بتلوموني ليه
وهو إللي هان الحب عليه
وراح وساب قلبي وحداني
وشاف دموع العين
لا رحم هوايا …
ولا .. بكايا …
ليه ليه ليه …؟؟
دا مهما كان الحق عليه
أنا اللي كنت على
قلبي قسيت
وأنا اللى كنت
على قلبي الجاني …
وجريت جريت عليه …
لما هواه في يوم ناداني …
محمد صلاح حمزة