رحلت وتركتني
بقلم علي بدر سليمان

بعدت عني كادت فيي
يلي عليها بكيت عينيي
ساد الحزن عليها اختفت
هيي عينيي وبعدا ماليي
عم دور عليها وعم أصرخ
والصدى يرد يكفي أسية
بشدة صرخ ت حدا يفهمني
وماحدا عارف عنها شيي
وين رحلت ولمين تركتني
وأنا عمري ماتركتها يابيي
دخلك ياهوى احملها رسالة
خبرها حالي واحكيلها عليي
خلي قلبها الكبير يسمعني
وخلي عينيها تحكي عينيي
زهقت ومش قادر بيوم افرح
حتى تعاود زهرتي الندية
ياسوار الدهب يلي بإيديها
ارسلي اشارة وينها وين هيي
وياطيور المزينة فستانها
طيروا بالسما واحملوها ليي
خايف انطرها كتير ت أضعف
ويوم تعود ينطفي ضيي
وعطرها المسكوب عتيابها
يرفع الراية ويترحم عليي
عاودي قبل ماتغيب الشمس
حتى يزين الورد أراضيي