ديل تعبان

كلمات/أيمن البكري

👦 يالا قفلي البيبان
وتعالي جنبي داه أنا تعبان
تعالي نغرق ف الإحضان
وأتوه ف شفايفك البلسم
وأرسم فيها وأقسم
والله لنسيكي الناس والدنيا والزمان

👩 بان كده علي أصلك بان
أما إنت طلعت ديل تعبان
كنت فاكراك هتحميني
أتاريك عايز تئذيني
أتاريك ندل مالكش أمان

👦 ما مسيرنا لبعض ف الحلال
بس دلوقت صعب عليا الحال
وأنا ليكي مهما كان
تعالي ف حضنك الدافي
أنسي الهم إل علي كتافي
من إيه بس هتخافي
داه أنا بردوا حب زمان

👩 مفيش بعد الحرام حلال
كفايه بقا كلام بطال
عايزني تعالي من الباب
في فاتحه وشبكه وكتب كتاب
غير كده تبقي واحد كداب
عايز تخلي حياتي عذاب

👨 👩 إوعي تسلمي نفسك
بورقه وكلمه ووعد
هيأخد غرضه ويسيبك
تواجهي لوحدك كل الصعب
إوعي ترخصي نفسك
داه ربنا غلاكي
إل شاريكي هيجيلك
ولو هيموت نفسه علشانك