… دنيا دوارة …..
قالوا الدنيا دوارة واللي
جرح هيبات مجروح
واخد الدنيا دى شطارة
وف لحظة تروح الروح
وما هيبقي من سيرتك
غير الم وحبة جروح
ياريت تعدل من نفسك
ده فعل الخير مابيروح

تلاغي وتسحر فى قلوب
خام
بكلمة حب ونظرة حرام
وترسم دور عاشق ولهان
وأحمد عز كما الأفلام

وبنت بريئة …. بتسلم
وم الحب ….. بتتألم
وجرح هواك فيها معلم
وانت بتشكي … وتتظلم

من الدنيا …. وأحوالها
وصعب تلاقي فيها القوت
وتحكي انك …. بتعشقها
وانك في بعدها هتموت
وتروح تدور ع غيرها
وتدفنها جوه تابوت
ولعبة حلوة … بتتقنها
وبتباصي وكمان بتشوط

ماشي بتلعب بمشاعر
وكل شئ عندك مباح
وكل ما تجرح ف قلب
تجري تعلق الأفراح
يا سيدى أهدى ع نفسك
مسيرك تقابل يوم دباح
يخلص ذنبهم منك وترجع
تغني تقول سواح
الشاعرة
ايمان عبدالله والى