حيرتينا معاكى يادنيا
وشفنا فيكى العجايب
شفنا شجر الظلم عالى
وطرحه يملا زكايب
والكدب هو اللى ماشى
والصدق دايما غايب
والناس لابسة توب النفاق
وتوب الحقيقة دايب
والفاجر الناس تطلب وده
والطيب ملوش فى الود نايب
والحكمة من الفقير تتهان
وصاحب المال رأيه هو اللى صايب

يادنيا ليه تخدعينا
وبالسعادة والأمانى توعدينا
خلتينا نجرى وراكى
عشان نحقق أمانينا
أتارينا بنجرى ورا سراب
وعدنا بالسعادة وخلى بينا
حتى الأمان إختفى
وبنخاف من أقرب الناس لينا
شفنا فيكى العجايب يادنيا
شفنا الحق بيموت والباطل مخضر أراضينا
…………..