حيرة قلب
٠٠٠٠٠٠٠٠
انا ابن الأصول الفرعونية
انا ابن البذور الجنوبية
قلبي بحر ودقي صخر
وعمري مايهيب السحر
ازاي موجك ضحك علية
وسحر ورودك سجن ليالية
هي كحلةعيونك ايه ايه ايه
مصرية ولا تونسية اكيد مغربية
يا ام الكحلة المغربية
ازاي وليه روحك تسحرني
ياواخده قلبي مني
يا شارده فكري عني
وشغلاني ومدوباني ومتوهاني
ومن عشقك وحياتك بعاني
انا مش هاكتبك تاني ف الاغاني
انا مش هاندهك غير ب احزاني
واقول حببتي ام قلب اناني
أرجوكى قولي انك نسياني
أرجوكى قولي انك بيعاني
يمكن الشوق جوايا يهدى ويسكن
واحلامي ب هنايا تنسى ممكن
ليه حسيتك ليه
ليه حبيتك ليه
ليه ليه اه و ليه الحيرة تسكني
ياواخده قلبي مني
قلبي كان بحر
ودقي كان صخر
يا ام الاحساس السحر
ازاي موجك ضحك علية
وسحر ورودك سجن ليالية
مش هاكتبك تاني ف الأغنية
بقلم على عبدالرحيم محمد