صحيفة نحو الشروق
حب وعتاب
__________________
سيجال شعرى بين
محمدتوفيق بورسعيد
جهاد نوار دمياط
_____________________________________________
جهاد نوار
_________
الكلام عندك هواية
والغنا منك كتير
لما خلصت الحكاية
قلت تنتقل لغير
محمدتوفيق
________
انتى سبب البعاد
شفت وياكي العذاب
ولما قلبي معاكي داب
روحت ماشى فى سكات
وقفلت كل باب
جهاد نوار
__________
البعاد منك بداية
لما قفلت الوداد
العذاب انت كتبته
خلى قلبى جرحة زاد
محمدتوفيق
________
ياما حاولت تكوني
انتي قلبي ونور عيوني
ولما حسيت بالبعاد
والتعالي والعناد
قلت صدقت فيك ظنوني
جهاد نوار
_________
التعالي دا عشاني
نجمة عالية بالسما
والعناد لأني غالية
انت ناسى مين أنا؟ !
محمدتوفيق
__________
برضه لسه الكبرياء
انتي واحدة من النساء
بس حبى وشوقي ليكي
خلاكى ملكة في العلاء
جهاد نوار
________
ذى النساء مين اللي قال؟!
دا انا غيرهم ومحال
ورده من زمن الخيال
ومليش ابدا مثال
محمدتوفيق
_________
كنتي وردة في خيالي
وكنت ضمك بحناني
ولما تاه مني زماني
قلبي صار منك عليل
جهاد نوار
________
الزمان ما عاد زمانا
والقلوب فقدت أمانها
ولما خفت م الليالى
قلت أعيش العمر ليك
دى الحياه لسه امامنا
محمدتوفيق
__________
الزمان هو زمانا
والحنان مخلوق عشانا
عشت أحلى ساعات معاكى
والحياة اتقلبت لجنة
جهاد نوار
_________
ياما عشت معاك فى حيرة
من عمايلك مستجيرة
كل واحدة وليها سيرة
والحياة بينا مهينة
محمدتوفيق
___________
الشكوك دى من طباعك
والظنون مليا حياتك
لما أكلم بنت تانية
اقضي يومي فى صراعك
جهاد نوار
________
مش هصدق كلمه منك
انت قلبك ذى طير
يوم معايا ويوم لغيري
ده انت خليني أسير
محمد توفيق
___________
مش ضرورى تصدقيني
بس اول تفهميني
انت روحي ودم قلبي
ولو غدرت اتركيني
جهاد نوار
________
عمري يوم ما خنت قلبك
ولا حتى خنت حبك
بس انت خنت ودك
تبقى عارف مين غدر بك
محمدتوفيق
__________
عمرى ما اخترت البعاد
وحبك انتى كان ميعاد
عشت أحلم عمرى بيكى
لما حطمنا العناد
وليه هنندم ع اللى فات
ونرضى ليه يوم بالسكات
لو تحبى صونى حبك
ده الحب من رب العباد
جهاد نوار
_________
الندم للنفس عفة
يحمي روحنا من الفساد
السكات لو يوم خاصمنا
ايه يفيد كتر العتاب
محمدتوفيق
________
ايه يفيد يوم الندم
غير عذابنا والألم
الحب طائر فى السما
ليه نحوله لصنم
جهاد نوار
________
الحب لو كان يوم صنم
دا من الحبايب اتظلم
قضى حياته فى الغرام
غاوي الأسى غاوي الألم
محمدتوفيق
_________
ليه نرضى ديما بآلالام
ويضيع غرامنا فى الكلام
لو بتحببنى قاومي وصارحي
ولا يهمك يوم الملام
جهاد نوار
________
الحب فى القلب اتقتل
والحب معدش واصل
ومنين هيرجع الأمل
والأمل ما بينا راحل
محمدتوفيق
__________
الأمل سر الوجود
وحبنا ماله حدود
شوفى حب قيس وعنتر
حطموا كل السدود
جهاد نوار
________
قيس وعنتر مش اساسى
حتى عبلة وجوليا ناسي
دول غلابه فى الغرام
وشربوا من نفس كاسي
محمدتوفيق
__________
طب تقولى ايه فى روميوا
اللى كان رمز الشباب
لما حب جوليا قاوم
وفضل الموت ع البعاد
وانا ذى قيس وروميوا
هحمى حبى م البعاد
ويبقى جنب قيس وليلي
برضه توفيق وجهاد
________________
مع خالص تحياتنا القلبية
محمدتوفيق بورسعيد
جهاد نوار دمياط
المحرر الصحفي: بسام أحمد العبدالله
المراسل الصحفي: محمد وسوف
Hi there, I enjoy reading all of your article. I like to write a little comment to support you.|
Someone necessarily help to make critically posts I’d state. This is the very first time I frequented your website page and up to now? I amazed with the analysis you made to make this particular submit amazing. Magnificent process!|