جنون
٠٠٠٠٠
مشتاق ليك بجنون
وبدور عليك
ف كل العيون
وقمرك عني غايب
تعالى ياكل الحبايب
شوف النبض اللي دايب
شوف الفرح اللي غايب
شوف العشق من غيرك
دبلان وحيران وتايه وشايب
وبلاد نسيانك هزمتني
وراحة البال هجرتني
ياريت ماحبيتك ياريتني
ياريت اقدر اقسى واخون
ان هان عليك القلب
على القلب مابتهون
مشتاق ليك بجنون
قدر ومكتوب
اشوف ف مدينة عشقك
الشمس ف حضن الغروب
اشوف الهجر و الحيرة ف حبك
والقلب وحيد و حزين ومغلوب
و مش راضي عن حبك يتوب
قدر ومكتوب
اكتبك غنواية ولهفتي ومناية
وقلبك العنيد يكتب لي شقاية
قدر ومكتوب
ارسمك قمراية دقة سعادة جواية
يا اللي انت بعيد فين فرحتي وهنايا
كون بعيد كون وحيد كون عنيد كون
ان هان عليك القلب
على القلب مابتهون
مشتاق ليك بجنون
جنون
بقلم على عبدالرحيم محمد