ــــــــــــ(تعالي نعيش ف آرض تانية)ــــــــــ

مافيـهاش حــروب مافيـهاش جيـوش

 

تعالي نعيش ف دنيا تانية

مافيــهاش غابات مافيـهاش وحــوش

 

تعالي نعيش ف زمن تاني

مافيهوش حيتان مافيهوش قروش

 

زمن مافيهوش خداع

مافيهوش خيانه مافيهوش رتوش

مكان مافيهوش فساد مافيهوش رشاوي

مافيهوش سباق علي الكراسي والعروش

 

الآرض دي ملناش مكان فيها

كرهت شوارعها كرهت حــواريها

كرهت بحارها كرهت موانيها

 

كرهت الخوف اللي معشش ف كل الوشوش

ولون الـدم وشكل المدافن وشكل النعوش

 

راح الآمان وكل حاجه ف حياتنا اتدمرت

لما مات فينا الانسان والقلوب اتحجرت

واللصوص بتعبي ف خزائن وبتملي الكروش

 

لو كتبت العالم ملك للص فيهم عالم واحد

مايملاش عينيه عالم واحده مايكفهوش

بقلمي// صابر الطوخي