صحيفة نحو الشروق
انتهت الزيارة ( بالعامية )
إية دلوقتى اللى جابك
ساكته لية .. ماتردي جنابك
أكيد فارس أحلامِك الجديد سابك
نعم ..
بتقولي شمس حياتِك من غير شروق
لا ده سيناريو قديم وبقى محروق
أنا أعطيتِك مِيت فرصة وكنت باقي عليكى لسه ..
لكن خلاص انتهت القصة
طبعِك مش أصيل .. سريعة وعملتى توكيل
رفعتى علىّ قضية وإنتى عارفه مين الجاني ومين الضحية
وبتقولى متأسفة لا .. دى النهاية مُؤسفة
زرعتى فى أولادى يكرهونى
وهما قلبى ونور عيونى .. وده اللى زاد جنونى
منِك لله
كسرتى فرحتى .. وضاعت صحتى
ودبلت وردتى فوق غصونى
أنا كتير شقيت عشانكم وسط المخاطر
بس إنتى مش باقية على العِشرة .. مابتشتريش خاطر
فيه لسه ناس كده .. يا ساتر
مع السلامة انتهت الزيارة
علشان انتى طلعتى غدارة
مع السلامة ومفيش استراحة
بتقولى الظروف ..
لا ده أنا معايا عود البطل ملفوف وعايشين على الصراحة
والحمد لله أولادى رجعولى
وبأشوف فى وشهم كل يوم أحلى اصطباحة
مع السلامة .
بقلمي : السيد سعيد سالم
المحرر الصحفي: أساهي فريد
