الصوره
——-
يا ابن أدم
اوعى تخدعك الصوره
أوعى تحزنك الصوره
أوعى تزرعك ف
غيطان الحقد والكره المجنونه
و ارض النيه الملعونه
يا ما فيه وشوش متبروزه
بالنجوم والقمر
وعايشه الليالي المعسوله
بس يعلم القدر
ايام حنانهم مهجوره
كلام دقاتهم مقهوره
فرحة حياتهم مكسوره
ارحم ارحم الصوره
اضحك يا عم ضحكة هم
وبصوت عالى ساخر
على النفوس اللي بتغم
بتموت ف النفسنه وبتعشق المظاهر
زي العنكبوت قبل ماياكل نفسه بياكل الاخر
زي صوت النداها لما بيقتل الفرحه
بالصرخه المسحوره
اوعى تخدعك الصوره
ارحم نفسك واهجر يأسك
وارحم ارحم الصوره
بقلم على عبدالرحيم محمد