ارميهم ورا ظهرك

ارميهم ورا ظهرك مايستهلوش
لا تعاتب وتحاسب مايتعشروش

فيهم اللي خان

سمه ف الكلام
عايش دور الملاك
المشي معاه هلاك

شيطان ضعيف جبان
اوعاك تدي الأمان
بشره كان باليك
همه كله يإذيك

ارميهم ورا ظهرك

فيهم الحويط

عامل دور العبيط
فاهم كل حاجة
ومايبطل تخبيط

معاك شوية وعليك شوية
وتنتهي مصلحته يبعد ينكن
يبطل زن ويبطل تنطيط

ارميهم ورا ظهرك

لوحدك عادي كمل

عافر اصبر اتحمل
متكونش ضعيف وترجع
من وسط الطريق

ارميهم ورا ظهرك

قلوبهم سودا شيالة
وصل ليهم رسالة

انك اقوى منهم
قادر تهد جحورهم
لا تأثر فيك نارهم
سباح اعماق بحورهم
وعمرك ما تكون غريق

ارميهم ورا ظهرك مايستهلوش
لا تعاتب وتحاسب مايتعشروش

ارميهم ورا ظهرك

كلمات إسلام عامر