الرئيسية / إشراقات أدبية / ياحبيبتي بقلم محمد عنانى

ياحبيبتي بقلم محمد عنانى

Advertisement
  1. ياحبيبتي
    بقلمى محمد عنانى
    رغم إنك إنتى نن عينى
    حتى إسمك فوق جبينى
    ليه يا حبيبتى بتتعبينى
    بحاجات كتيره بتطلبى
    وفوق دماغى تكركبى
    وماسكه السجل بتكتبي
    ولنَفَسِي قاعده بتحسبى
    إيه صِرفت وإيه يجيني
    ناقص جيوبى تفتشينى
    ولا فى فِكرك تحلبيني
    وهموم يوماتي تشيلينى
    وإن صرخت فبتلومينى
    وإن يوم حِلِفت تكدبيني
    يا حبيبتى إمتا تصدقينى
    إن إنتى زادى ومشربى
    وإن رضاكى دا مطلبى
    لكن بأقول أمتا تشوفيني
    تشوفى حالى وتراعينى
    وعشان لقلبى ما تكسبى
    بلاش تصادرى مُرتبي
    وحِنى عليا واحضنينى
    وخلاص كفايه تعذبينى
    إمسحى دمعى وطبطبى
    إوعى تسيبينى وتهربى
    إنتى حبيبتى ونِن عينى
    وأنا بأعشقك مهما تكونى

عن المحرر الصحفي: بسام أحمد العبدالله

المحرر الصحفي: بسام أحمد العبدالله

شاهد أيضاً

تغريدة سلام //الشاعرة غنوة حمزة

Advertisement تغريدة سلام لنحب بعضنا في الله أينما حللنا وأرتحلنا ولو أختلفت لغة اللسان كلنا …

تألق النساء //للشاعرة ملفينا ابومراد من لبنان

Advertisement تألق النساء *** نساء تالقت ان همت بحبهن جعلنك فوق السحاب غَمارَ ١ جعلنك …

اترك تعليقاً