وداع للشاعر علي عبدالرحيم محمد

وداع
٠٠٠٠٠
ف غياب القمر
الليل وانا والفكر والسهر
و صوت حليم بيدوب الحجر
كروان بيغرد ع الشجر
وجرح أليم من اغلا البشر
ورسايل وداع بتقول الحب ضاع
ورسايل وداع بتقول الإخلاص ضاع
مين فينا اللي باع وقلبه حجر
ومين فينا اللي ضاع وخاطرة انكسر
انا ولا انت اشهد يا قدر
وداع وداع يا اغلا البشر
هي سافرت ومعاها السعاده سافرت
هي هاجرت ومعاها الأحلام هاجرت
وانا ماعنديش حكاية كانت هي الحكاية
معاها هي البداية و حروف النهاية
ومعاها فرحة قلبي اللي انهجر
وداع وداع يا اغلا البشر
الفكر فيها بياخدني
ل أحضان لياليها ياخدني
الاقي عنيها أوام ف حضني
واسأل عليها حرماني وحزني
الاقي أجمل شئ مابينا انكسر
مين فينا اللي باع وقلبه حجر
ومين فينا اللي ضاع وخاطرة انكسر
انا ولا انت اشهد يا قدر
وداع وداع يا اغلا البشر
ف نهاية رسالتها بعتالي دمعتها
بعتالي كدبة ضحكتها
اكتب ياقلبي نهايتها
سحابة ومانعة المطر
كدابة ومشاعرها حجر
زرعت الحزن ف كل وتر
انا ماعنديش حكاية كانت هي الحكاية
كانت هي اغلا البشر
وداع
بقلم علي عبدالرحيم محمد

Related Posts

الصبر بقلم الكاتبة والأديبة اللبنانية ملفينا ابومراد

الصبر كم قيل في الصبر من المحاسن، حتى في الكتاب المقدس، حيث يُعدّ الصبر من ثمار الروح، ومن علامات الرجاء والإيمان .ففي رسالة القديس بولس إلى أهل رومية (8:‏25)، يقول“لَكِنْ…

وحي ظلك بقلم يسار الحبيب

وحي ظلك ضع شهقتين على دروب قصيدتيلأسوس أســـراب الحــروف وأحـــذراأنا لسـت حـوذيَّ النــصوص، وإنــــماورّطتَ قلبي…. مـــذ عرفتــك أسـمراأنـا غــارق في النصّ أبحث عن غدٍمنذ امـــرئ القـــيس استـجار بقيصرايا آخــــر الأحــــزان…

اترك تعليقاً